اسلام آباد(مانیٹرنگ ڈیسک) افغان حکومت کا طالبان سے عارضی جنگ بندی کا اعلان ۔تفصیلات کے مطابق افغان حکومت نے طالبان سے عارضی جنگ بندی کااعلان کر دیا ہے۔ افغان صدر اشرف غنی نے ویڈیو پیغام میں سیکورٹی فورسز کو طالبان کے خلاف آپریشن فوری طور پر روکنے کی ہدایت کر دی
۔یہ سیز فائر 12 جون سے 20 جون تک قائم رہے گا۔ افغان صدر کا کہنا تھا جنگ بندی کا مقصد طالبان کو ان کی پرتشدد کارراوئیاں چھوڑنے کی ترغیب دلانا ہے۔افغان صدر نے اپنے ویڈیو پیغام میں حال ہی میں کابل میں ہونے والے علما کے اجلاس میں دہشت گردی کے خلاف دیے گئے فتوے کی بھی حمایت کی۔
