کراچی(این این آئی)رواں مالی سال 2017-18 کی تیسری سہ ماہی کے دوران پاکستان رئیل ٹائم انٹربینک سیٹلمنٹ میکانزم کے ذریعے 90.1 کھرب روپے کی ٹرانزیکشنز کی گئیں،اسٹیٹ بینک کے اعدادو شمار کے مطابق حالیہ سالوں کے دوران ڈیجیٹل ذرائع سے کی جانے والی بینکاری کی شرح میں نمایاں اضافہ ہوا ہے کیونکہ ان ذرائع سے بینکنگ کی تیز ترین سہولتوں تک رسائی کو یقینی بنایا جاتا ہے ،پاکستان کواٹرلی پے منٹ سسٹم ریویو رپورٹ کے مطابق جنوری

تا مارچ 2018 کے دوران گزشتہ سہ ماہی کے مقابلے میں پی آر آئی ایس ایم کے ذریعے کی جانے والی ٹرانزیکشنز کی شرح میں 6.7 فیصد کا اضافہ ہوا ہے اور اس دوران 4 لاکھ 46 ہزار 500 ٹرانزیکشنز کے ذریعے 90 کھرب روپے سے زائد کا لین دین کیا گیا ہے ، رپورٹ کے مطابق گزشتہ سہ ماہی کے مقابلے میں جنوری تا مارچ کے دوران پی آر آئی ایس ایم کے ذریعے کی جانے والی ٹرانزیکشنز کی مالیت میں 3.8 فیصد کی کمی ریکارڈ کی گئی ہے ۔