اسلام آباد(مانیٹرنگ ڈیسک) معروف صحافی سہیل وڑائچ کے انکشاف نے ہلچل مچا دی۔ تفصیلات کے مطابق معروف صحافی و تجزیہ کار سہیل وڑائچ نے نجی ٹی وی پروگرام میں گفتگو کرتے ہوئے انکشاف کیا ہے کہ عمران خان اور سابق وزیر داخلہ چوہدری نثار کے درمیان مفاہمت موجود ہے اور یہ مفاہت پچھلے کئی سال سے ہے۔ تحریک انصاف کے رہنما اس خدشے میں مبتلا ہیں کہ چوہدری نثارالیکشن جیت کرآتے ہیں یا پی ٹی آئی میں شامل ہوں گے تو پھر ان کو
پنجاب دیا جائے گا۔جب کہ وفاقی حکومت عمران خان چلائیں گے،تو پس پردہ چوہدری نثار کے ساتھ یہ بات چل رہی ہے۔ دوسری جانب پنجاب کی وزارت اعلیٰ کیلئے تحریک انصاف کے بھی بہت سے امیدوار ہیں جن میں شاہ محمود، فواد چوہدری شامل ہیں۔ سہیل وڑائچ کا کہنا تھا کہ نواز شریف جانتے ہیں کہ شہباز شریف کو کنٹرول کیا جا سکتا ہے لیکن چوہدری نثار کسی کے کنٹرول میں نہیں آتے اس لئے وہ الیکشن سے قبل ہی چوہدری نثار کو پارٹی سے نکالنا چاہتے ہیں ۔
