اسلام آباد (مانیٹرنگ ڈیسک)پاکستان کی خفیہ ایجنسی آئی ایس آئی کے سابق سربراہ اسد درانی اور بھارتی خفیہ ایجنسی ’را‘کے سابق سربراہ امرجیت سنگھ دُلت کی گفتگو پر مشتمل بھارتی کتاب میں آئی ایس آئی کے سابق سربراہ اسد درانی کے انکشافات نے پاکستان میں بھونچال برپا کر دیا ہے۔ سابق آئی ایس آئی چیف اسد درانی نے کتاب میں دعویٰ کیا کہ کارگل جنگ جنرل مشرف کا جنون تھا، مکتی باہنی کا قیام اور سقوط ڈھاکہ را کی اہم کامیابیاں ہیں، آئی ایس آئی کشمیر میں
تحریک آزادی کو صحیح طور پر سمجھ نہیں پائی، نواز شریف کو کارگل آپریشن سے متعلق بہت کم معلومات تھیں۔اسد درانی نے مزید کہا پاکستانی وزرا اعظم آئی ایس آئی پر بھروسہ نہیں کرتے، ملکی سلامتی کے اہم معاملات پر آئی ایس آئی خود فیصلے کرتی ہے، حافظ سعید کے خلاف عدالتی کارروائی بہت مہنگی پڑ سکتی ہے، الزام لگے گا کہ اسد درانی کے خلاف کارروائی بھارتی ایما پر کی جا رہی ہے۔ انہوں نے افغانستان میں سویت یونین کی شکست کو آئی ایس آئی کا بڑا کارنامہ قرار دیا۔
