اسلام آ باد(مانیٹرنگ ڈیسک)12 رمضان بروز پیر سورج عین کعبہ کے متوازی آجائے گا جس سے کعبہ کا سایہ دکھائی نہیں دے گا،قطب نما کے بغیر کعبہ کی سمت معلوم کی جا سکے گی۔ تفصیلات کے مطابق سعودی ماہر فلکیات انجینئر ماجد ابو زاھر کے حوالے سے سعودی میڈیا نے بتایا ہے کہ 12 رمضان بروز پیر سورج 28 مئی کو سعودی وقت کے

مطابق دوپہر 12بج کر 18 منٹ پر اور پاکستان کے معیاری وقت کے مطابق 2 بج کر 18 منٹ پرعین کعبہ شریف کے اوپر ہو گا۔یہ منظر رواں سال کا پہلا منظر ہو گا جس سے بغیر کسی قطب نما کے کعبہ کی سمت معلوم کی جاسکے گی ۔ ماہرین کا کہنا ہے کہ زمانہ قدیم میں بھی اسی طریقے کو استعمال کرتے ہوئے لوگ کعبہ کی سمت کا تعین کیاکرتے تھے۔