اسلام آباد (مانیٹرنگ ڈیسک)تحریک انصاف کے رہنمائوں میں اختلافات شدت اختیار کر گئے، شاہ محمود قریشی کے بعد حامد خان بھی نااہل رہنمائوں کے خلاف کھل کر میدان میں آگئے، پارٹی اجلاسوں، فیصلوں اور ٹکٹوں کی تقسیم سے دور رکھنے کا مطالبہ کر دیا۔ تفصیلات کے مطابق پی ٹی آئی رہنما حامد خان ایڈوکیٹ نے بھی سپریم کورٹ سے نااہل کسی بھی شخص کو پارٹی سے دور رکھنے کا مطالبہ کر دیا ہے۔ انہوں نے شاہ محمود قریشی کے موقف کی حمایت کرتے ہوئے کہا کہ سپریم کورٹ سے نااہل کسی بھی شخص کو

پارٹی معاملات نہیں چلانا چاہیں۔حامد خان کا کہنا تھا کہ ایسا شخص ٹکٹوں کے معاملات میں شرکت کر سکتا ہے نہ ہی پارٹی کی سیاسی طاقت استعمال کر سکتا ہے۔ نااہل شخص کی مداخلت رہی تو ہمیں عدالتوں میں مختلف مقدما ت کا سامنا کر نا پڑ سکتا ہے۔ان کا کہنا تھا کہ سپریم کورٹ ذوالفقار احمد بھٹہ بنام ریاست 2018ء میں کہہ چکی ہے کہ نااہل شخص کے کسی اقدام یا مشورے کی قانونی حیثیت نہیں ہو گی۔ نااہل شخص قانونی مشکلات پیدا کرے گا۔ فوری طور پر سپریم کورٹ سے تاحیات نااہل ہونیوالے لوگوں سے چھٹکارا حاصل کیا جائے۔

موضوعات:جہانگیر ترین حامد خان شاہ محمود قریشی