اسلام آباد(مانیٹرنگ ڈیسک)شہباز شریف چین میں ہوتے تو جتنی کرپشن وہ اب تک کر چکے ہیں ان کو ضرور گولی مار دی گئی ہوتی، شیخ رشید نے پنجاب کے تمام ترقیاتی پراجیکٹ کو بے ایمانی کے پراجیکٹ قرار دیدیا۔ تفصیلات کے مطابق نجی ٹی وی پروگرام میں گفتگو کرتے ہوئے عوامی مسلم لیگ کے سربراہ شیخ رشید احمد کا کہنا تھا کہ پنجاب میں جتنے بھی ترقیاتی پراجیکٹ شروع ہوئے یہ سب بے ایمانی کے پراجیکٹ ہیں۔شہباز شریف نے ملتان میٹرو،

پنڈی میٹرو،،نندی پور پراجیکٹ اور قائداعظم سولر پلانٹ پر جتنی کرپشن کی ہےاگر یہ چین میں ہوتے تو ہر کیس پرانہیں ایک ایک گولی لگ چکی ہوتی۔شیخ رشید کا کہنا تھا کہ سابق وزیر اعظم نواز شریف کا ایٹمی پروگرام میں کوئی کردار نہیں تھا۔انہوں نے کہا کہ شہباز شریف کی نواز شریف کے سامنے کوئی حیثیت نہیں، نواز شریف اور الطاف حسین کے بیان میں کوئی فرق نہیں ہے، نواز شریف جیل تو جا سکتے ہیں مگر ہیرونہیں بن سکتے، یہ سب نیب کا خام مال ہیں۔