چنیوٹ (آئی این پی) وزیراعلیٰ پنجاب شہباز شریف نے کہا ہے کہ پنجاب کے تمام ہسپتالوں میں سی ٹی اسکین مشینیں لگ رہی ہیں‘ چنیوٹ ہسپتال میں بھی جلد سی ٹی اسکین مشین لگے گی‘ ڈینٹل سرجری کے لئے دو مشینیں منگوائی گئی ہیں۔ منگل کو ڈسٹرکٹ ہسپتال کی افتتاحی تقریب سے خطاب کرتے ہوئے شہباز شریف نے کہا کہ 2018 میں کامیابی حاصل ہوئی تو ہسپتال کی بلڈنگ کو بڑھایا جائے گا۔
ہسپتال میں علاج کروانے کا رش موجود رہتا ہے یہاں پتھیالوجی لیب بھی لگائے جائیں گے۔ خون کے ٹیسٹ فری کئے جائیں گے۔ ڈینٹل سرجری کے لئے دو مشینیں منگوائی گئی ہیں۔ ہسپتال میں مریضوں کو مفت ادویات دی جارہی ہیں ہسپتال کے ویسٹ کو ٹھکانے لگانے کے لئے پلانٹ لگایا ہے پنجاب کے تمام ہسپتالوں میں سی ٹی اسکین مشینیں لگ رہی ہیں چنیوٹ ہسپتال میں بھی جلد سی ٹی اسکین مشین لگے گی چنیوٹ فیصل آباد روڈ کے لئے دو ارب روپے کا منصوبہ مختص کردیا موقع ملا تو چنیوٹ فیصل آباد روڈ چھ ماہ میں مکمل کریں گے۔
