اسلام آباد(مانیٹرنگ ڈیسک)صوبائی دارالحکومت پشاور میں سی این جی پمپ پر دھماکے سے 3افراد زخمی ہو گئے ۔نجی ٹی وی  کے مطابق پشاور کے علاقے ورسک روڈ پر سی این جی پمپ پر دھماکا ہوا ، دھماکے کے باعث تین افراد زخمی ہوگئے ہیں ۔

زخمیوں کو طبی امداد کیلیے ہسپتال منتقل کر دیا گیا ہے۔دھماکے کے بعد آگ لگنے سے سی این جی کا دفتر اور دکان تباہ ہو گئی ہے تاہم دھماکے کی نوعیت کا تعین کیا جارہا ہے اور ابھی کچھ بھی کہنا قبل ازوقت ہوگا۔پولیس کے مطابق ابھی تک دھماکے کی وجہ پتہ نہیں لگ سکی ۔