اسلام آباد(مانیٹرنگ ڈیسک) معروف صحافی چوہدری غلام حسین نے نجی ٹی وی پروگرام کے دوران گفتگو کرتے ہوئے کہا ہے کہ نوازشریف نے قیامت تک چوہدری نثار کو معافی نہیں دینی۔ بیشک وہ سونے کا بن کر آجائیں۔سابق وزیر داخلہ کی حالیہ پریس کانفرنس سے متعلق گفتگو کرتے ہوئےان کا کہنا تھا کہ چوہدری نثار نے اس پریس کانفرنس میں جو بات کی ہے کہ نواز شریف کا نظریہ وہی ہے جو اچکزئی کا نظریہ ہے۔ اس بات کے بعد اگر چوہدری نثار سونے کے
بن کر بھی آ جائیں تو نواز شریف ان کو معاف نہیں کریں گے۔چوہدری نثار کا( ن) لیگ سے باب بند ہو گیا ہے۔شہباز شریف نے بہت کوشش کی کہ چوہدری نثارکے پارٹی تحفظات دور ہو سکیں اس مقصد کے لیے چوہدری نثار کی نواز شریف سے ملاقات کروانے کی بہت کوشش کی لیکن نواز شریف رضامند نہ ہوئے نواز شریف کا کہنا تھا کہ مجھے ایسی سیاست کرنے کی کوئی ضرورت نہیں ہے جس میں میرے ساتھ میری بیٹی مریم نواز نہ ہوں۔
