اسلا م آباد(نیوز ڈیسک)کراچی اسٹاک ایکس چینج نے سرمایہ کاروںکی شکایات کے جوابات نہ دینے پر ایس سیکورٹیز(ACE Securities)کے آپریشنز معطل کردیئے ہیں۔ترجمان کراچی اسٹاک کے مطابق ایس سیکورٹیز کو 25اپریل تک سرمایہ کاروں کی شکایات کے جواب میں ردعمل ظاہر کرنے کا کہا گیا تھا ،تاہم ایس سیکورٹیز کی جانب سے مذکورہ تاریخ تک جوابات جمع نہ کرانے کے بعد کراچی اسٹاک ایکس چینج میں ایس سیکورٹیز کے آپریشنز معطل کرنے کا فیصلہ کیا گیا۔ترجمان کراچی اسٹاک کے مطابق21اپریل کو ایس سیکورٹیز کے منیجر آپریشنز کی جانب سے خط موصول ہوا تھا جس میں کلائنٹس کے معاملات حل کرنے کےلئے ایک ہفتے کا وقت طلب کیا گیا تھا ،تاہم مقررہ مدت کے دوران بھی ایس سیکورٹیز کی جانب سے کلائنٹس کی شکایات کو دور نہیں کیا گیا جس کے بعد یہ فیصلہ کیا گیا۔