ملک وال(آن لائن )ملکوال سے پنڈ دادنخان جانے والی ریلوے مسافر ٹرین کے ٹریک پر آندھی سے درخت اکھڑ کر گرپڑا تھاجس کو دیکھ کر انجن ڈارئیور نے حاضر دماغی سے ایمرجنسی بریک لگا کر ٹرین کو حادثے سے بچا لیا،ٹرین ایک گھنٹہ تاخیر سے ٹریک کلیئر ہونے کے بعد روانہ کر دی گئی ۔تفصیلات کے مطابق ملکوال سے صبح 8 بجے پنڈ دادنخان جانے والی مسافر ٹرین
جب چالیسا ریلوے اسٹیشن کے قریب پہنچی تو رات کو آنے والے آندھی و طوفان سے درخت اکھڑ کر ریلوے ٹریک پر گرا ہو ا تھا جس کو دیکھ کر ریلوے انجن کے ڈارئیور نے ایمرجنسی بریک لگا کر ٹرین کو حادثے سے بچا لیاجس کے بعد ریلوے اہلکاروں نے درخت کو کاٹ کر ٹریک سے ہٹا دیا اور ٹرین ایک گھنٹے کی تاخیر سے پنڈدادنخان کے لئے روانہ کر دی گئی ۔
