لاہور (نیوز ڈیسک ) وزیر اعلیٰ پنجاب میاں شہباز شریف نے متحدہ قومی موومنٹ کے قائد الطاف حسین کے بیان پر شدید رد عمل کا اظہار کر تے ہوئے کہا ہے کہ الطاف حسین نے بھارتی خفیہ ایجنسی ’را‘ سے مدد طلب کر نے کے بیان میں قومی مقاصد سے غداری کی ہے۔ انہوں نے کہا کہ ایم کیو ایم کے قائد نے ’را‘ سے مدد مانگی تھی اور اس بیان نے کروڑوں پاکستانیوں کے جذبات مجروح کیے ہیں جس پر انہیں قوم سے غیر مشروط معافی مانگنی چاہیئے۔انہوں نے مزید کہا کہ ایم کیو ایم کے کارکنان اور رہنما?ں کو چاہیئے کہ وہ اپنی پارٹی قائد کے بیان سے لاتعلقی کا اظہار کریں کیونکہ یہ بیان ملک و قوم سے غداری ہے۔وزیر اعلیٰ پنجاب کا مزید کہنا تھاکہ پاکستان کی بہادر افواج دہشت گردوں کے خلاف لڑ رہی ہیں اور ملک میں قیام امن کی خاطر انہوں نے لازوال قربانیاں دیں ہیں ، جس کا الطاف حسین کا کو بھی خیال رکھنا چاہیئے تھا۔