اسلام آباد(نیوزڈیسک)اقتصادی رابطہ کمیٹی نے ڈیڑھ ارب روپے کے رمضان ریلیف پیکیج کی منظوری دے دی ۔یوٹیلٹی اسٹورز پر16 جون سے 18اشیاءسستے داموں دستیاب ہوں گی۔ نجی ٹی وی کے مطابق وفاقی وزیرخزانہ اسحاق ڈار کی زیر صدارت اقتصادی رابطہ کمیٹی کے اجلاس میں ڈیڑھ ارب روپے کے رمضان ریلیف پیکج کی منظوری دی گئی ہے۔وزارت صنعت نے رمضان پیکیج کے لیے 1ارب 80کروڑ روپے کی سمری بھجوائی تھی۔ رمضان پیکیج پر عمل درآمد 16جون سے شروع ہوگا اور لوگوں کو یوٹیلٹی اسٹورز پر 18اشیائ سستے داموں دستیاب ہوں گی۔ ان اشیاءمیں چینی ، آٹا ، گھی ، مشروبات اوردالیں بھی شامل ہیں۔