انقرہ(این این آئی) ترک وزیراعظم بن علی یلدرم نے کہا ہے کہ ہم دہشت گردی کیخلاف جنگ میں رعایت سے کام نہیں لیں گے، چاہے منبج ہو یا دریائے فرات کا مشرق یا مغرب ، خطے سے دہشت گردی کے بادل نہ چھٹنے تک ہم اپنی جنگ کو بلا کسی رعایت کے جاری رکھیں گے ۔ منگولیا کے دورے پر روانگی سے قبل انقرہ ہوائی اڈے پر یس کانفرنس سے خطاب کرتے ہوئے ترک وزیراعظم بن علی یلدرم نے کہا کہ جب تک دہشت گردی کے خطرات

موجود رہیں گے تب تک ہم اس معاملے میں نرمی سے کام نہیں لے سکتے۔انہوں نے فرانسیسی صدر امینول ماکرون کے شامی شہر منبج میں مزید 50 فوجی روانہ کرنے کے دعوے پر کہا ہے کہ ہماری حساسیت واضح ہے، چاہے منبج ہو یا پھر دریائے فرات کا مغرب ہو یا مشرق، ہم کسی قسم کی رعایت نہیں دیں گے ۔ انہوں نے کہا کہ وہاں پر کن کن کے موجود ہونے کی کوئی اہمیت نہیں ہے۔انہوں نے کہا کہ دہشت گردی کے بادل نہ چھٹنے تک ہم اپنی جنگ کو بلا کسی رعایت کے جاری رکھیں گے۔

موضوعات:ترک وزیراعظم