اسلام آباد(نیوز ڈیسک) کراچی بندرگاہ پر گزشتہ 24گھنٹوں کے دوران1لاکھ21ہزار603ٹن کارگو کی نقل وحرکت ریکارڈ کی گئی جن میں سے 78ہزار235ٹن درآمدی کارگو اور43ہزار 368ٹن برآمدی کارگو شامل تھا۔جمعرات کو کراچی پورٹ ٹرسٹ سے جاری رپورٹ کے مطابق درآمدی کارگو میں22ہزار204ٹن بلک کارگو،53ہزار997ٹن خشک کارگو اور24ہزار238ٹن مائع کارگو جبکہ برآمدی کارگو میں42ہزار368ٹن خشک کارگو اور1ہزار ٹن مائع کارگو شامل تھا۔کراچی پورٹ ٹرسٹ سے جاری رپورٹ میں بتایا گیا ہے کہ ہنڈلنگ کیے گئے درآمدات میں31ہزار793ٹن کنٹینرائزڈ کارگو،20ہزار 192ٹن کوئلہ اور2ہزار12ٹن ڈی اے پی کھاد جبکہ درآمدات میں 42ہزار128ٹن کنٹینرائزڈ کارگو اور240ٹن بلک کارگو شامل تھا اس دوران بندرگا ہ پر7جہاز لنگرانداز ہوئے اور 5جہازوں کی روانگی ہوئی جبکہ آئندہ 24گھنٹوں کے دوران7جہازوں کی آمد اور4جہازوں کی روانگی متوقع ہے۔