اسلام آباد (مانیٹرنگ ڈیسک) ڈالر کی قیمت میں اضافہ، نواز شریف کے سمدھی اور سابق وزیرخزانہ اسحاق ڈار پنی ہی حکومت پر برس پڑے۔ تفصیلات کے مطابق نجی ٹی وی دنیا نیوز کے پروگرام ’دنیا کامران خان کے ساتھ‘میں پروگرام کے میزبان معروف صحافی کامران خان نے اسحاق ڈار سے سوال کیا کہ ملک پر قرضہ اتنا بڑھ گیا ہے کہ آئی ایم ایف نے کہا ہے کہ اگلے سال قرضہ

ایک سو تین ارب کا ہو جائے گا۔آپ نے ڈالر کا روپے میں ایکسچینج ریٹ مصنوعی طریقے سے کنٹرول میں رکھا لیکن اب ایک دم سے ہی ڈالر کی قیمت میں 15 روپے کا اضافہ ہو گیا ہے جس کی وجہ برآمدات میں اضافہ نہ ہونا ہے۔اسحاق ڈار نے جواب دیتے ہوئے کہا کہ یہ ایک لمبی بحث ہے تاہم میں اس کیلئے تیار ہوں ۔ انہوں نے حکومتی پالیسیوں پر تنقید کرتے ہوئے کہا کہ ان لوگوں نے تباہی کر دی ہے ، پاکستان کی اسٹاک ایکسچینج میں 30 کھرب کا نقصان کر چکے ہیں،پیسے کی قدر میں کمی سے پاکستان کے قرضوں میں 8 کھرب روپے کا اضافہ ہو گیا ہے۔ اسحاق ڈار کا کہنا تھا کہ ٹارگٹڈ ایکسپورٹر کو 180 ارب کا ریلیف پیکج میاں نواز شریف نے دیا تھا اور 7 ارب کا شاہد خاقان عباسی نے مجھ سے لے کر دیا۔ ڈھائی سو ارب ایکسپورٹر کو دے دیا گیا تھا، حکومت کو تنقید کا نشانہ بناتے ہوئے ان کا کہنا تھا کہ آپ ایکسپورٹ سر پلس ملک نہیں ہیں، آپ کی پر چیز کی قیمت اوپر جائے گی، انہوں نے کہا کہ اسٹاک ایکسچینج میں 30 کھرب کے نقصان کا ذمہ دار کون ہے؟ اگر میرے پاس کوئی منتر تھا کہ میں نے ڈالر کی قیمت کو بڑھنے سے روکے رکھا تو یہ لوگ اب روک کےدکھائیں۔ان کو ملکی معیشت کی سمجھ ہی نہیں ہے۔ یہ آئی ایم ایف اور دوسرے اداروں کا ایک فارمولا ہے جس میں کئی ملک تباہ ہوئے ہیں۔ملک میں افراط زر بڑھ گیا ہے۔