لاہور (این این آئی ) تحریک انصا ف کی مرکزی رہنما ڈاکٹر زرقا سہروردی تیمور نے کہا ہے کہ مسلم لیگ (ن) اور پیپلز پارٹی کو پتلی گلی سے بھاگنے نہیں دیں گینوازشریف قوم کے ساتھ مذاق بندکردیں، عام آدمی غربت کی چکی میںبری طرح پیس رہا ہے جبکہ اس کے لیے دو وقت کی روٹی کما نا مشکل ہو چکی ہے اور حکمرانوں کے غربت ختم کرنے کے تمام وعدے چار سالہ دور میں ریت کی دیوار ثابت ہوئے ہیں۔
اپنے ایک بیان میں انہوںنے کہاکہ پاکستان کا سب سے سنگین مسئلہ کرپشن ہے ، کرپشن نے سیاسی ابتری ، معاشی تباہ کاری ، بے روزگاری، مہنگائی، امن اومان کی ابتر صورتحال ہے اور حکمرانوں کی ناکام پالیسیوں کی وجہ سے پاکستان اغیار کا محتاج ہو گیا ہے ۔ انہوںنے کہا کہ حکومت کے آئی ایم ایف سے قرض لینے کی وجہ سے متوسط طبقہ کی مشکلات میں بے پناہ اضافہ ہو چکا ہے ۔ ملکی اور غیر ملکی قرضوں کے باعث مہنگائی کی رفتار میں بہت تیزی آگئی ہے ۔ پاکستان جو ہر قسم کے وسائل سے مالا مال ہونے کے باوجود غربت ، بے روزگاری ، مہنگائی ، توانائی بحران اور قرضوں کی دلدل میں پھنسا ہوا ہے یہ نااہل حکمرانوں کی ناقص پالیسیوں کا نتیجہ ہے ۔انہو ں نے مز ید کہاکہ ملکی و قومی وسائل پر چند خاندانوں نے قبضہ کر رکھا ہے ملک میں اس وقت حقیقی جمہوریت نہیں بلکہ خاندانی امریت قائم ہے ۔ قومی وسائل کی غیر منصفانہ تقسیم جاری ہے حصول پاکستان کے مقاصد کو پس پشت ڈال دیا گیا ہے۔ عام آدمی شدید مشکلات اور مسائل میں گھرا ہوا ہے جس کا کوئی پرسان حال نہیں لوگوں کو دوقت کی روٹی کے لیے سخت محنت اور دشواری کا سامنا ہے ۔
