ٹیکساس(این این آئی) دسمبر 2016ء میں دو جڑواں بچیاں پیدا ہونے کے 428دن بعد دونوں کو الگ کردیا گیا،غیرملکی خبررسا ں ادارے کے مطابق ایک پیچیدہ آپریشن کے بعد دوسری بچی کو الگ کئے جانے کے بعد صحتیاب ہونے پر اسپتال سے فارغ کردیاگیا جبکہ اسکے ساتھ پیدا ہونے والی بہن کو اسپتال والوں نے مزید کچھ دن کیلئے روک رکھا ہے۔ دونوں جڑواں بہنوں کے نام انا گریس رچرڈز اور ہوپ رچرڈز بتائے جاتے ہیں۔
پیدائش کے وقت دونوں ہی پیٹ اور سینے سے باہم متصل تھیں۔ پیدائش کے وقت انکے دل اور جگر بھی ملے ہوئے تھے۔دونوں بچیو ںکو الگ کرنے کیلئے 2سال تک انہیں دوائوں پر رکھا گیا اور جب وہ آپریشن کے قابل ہوگئیں تو سال رواں میں 13جنوری کو 7گھنٹے کے پیچیدہ آپریشن کے بعد کامیابی سے انہیں الگ کردیا گیا۔ اینا گریس جلد صحت یاب ہوگئی اسی لئے اسے اسپتال سے فارغ کردیا گیا ہے جبکہ ہوپ رچرڈز کو تقریباً ایک ماہ تک مزید اسپتال میں رہنا پڑیگا۔
