اسلام آباد (مانیٹرنگ ڈیسک)نجی ٹی وی پروگرام ڈان نیوز کے پروگرام ’’ذرا ہٹ کے‘‘میں اظہار خیال کرتے ہوئے معروف صحافی ضرار کھوڑو کا کہنا ہے کہ تحریک انصاف کی جانب سے جب کوئی بچگانہ فیصلہ آتا تھا تو ہم کہتے تھے کہ عمران خان کو سیاست نہیں آتی اور وہ صرف کرکٹ ہی کھیل سکتے ہیں لیکن ہمیں چیئرمین تحریک انصاف عمران خان کو داد دینی چاہئے کہ وہ اب سیاسی گیم سیکھ چکے ہیں۔ پروگرام میں
شریک صحافی مبشر زیدی کا کہنا تھا کہ چیئرمین سینٹ کے الیکشن میں پہلی بار اپوزیشن جماعتوں کے اتحاد کا کامیاب تجربہ سامنے آیا ہے جبکہ اس سے قبل طاہر القادری کے مال روڈ جلسے میں اپوزیشن جماعتوں کے اتحاد کا تجربہ ناکام ہو چکا تھا۔ مبشر زیدی نے انکشاف کرتے ہوئے کہا کہ میرے خیال میں چیئرمین سینٹ کے الیکشن میں کامیاب تجربے کے بعد اب عام انتخابات میں اسی تجربے کی بنیاد پر تیاری ہو رہی ہے۔
