لاہور(آئی این پی ) وفاقی وزیر ریلوے خواجہ سعد رفیق نے کہا ہے کہ ایک دوسرے کی اتنی تذلیل، ہمیں کسی دشمن کی ضرورت نہیں ،ملکی استحکام کیلئے کام کرنے اور جمہور کی حکمرانی مانگنے کا صِلہ یہاںہمیشہ یہی ر ہا ۔ اتوار کو سابق وزیر اعظم نواز شریف پر جوتا پھینکنے کے حوالے سے سماجی رابطے کی ویب سائٹ ٹوئٹر پر اپنے پیغام میں کہا ایک دوسرے کی اتنی تذلیل الامان ۔ اب ہمیں کسی دشمن کی ضرورت نہیں۔
انہوں نے کہا پھانسیاں جلاوطنیاں قتل نااہلیاں جیلیں تشدد بہتان دشنام الزام ڈنڈے جوتے، چور اور غدار کے لقب ملکی استحکام کیلئے کام کرنے اور جمہور کی حکمرانی مانگنے کا صِلہ یہاںہمیشہ یہی ر ہا ہے ۔خواجہ سعدرفیق نے کہا ملک کوچلنے دو، دشمن کا کام آسان نہ کرو، احسن اقبال،خواجہ آصف اورنوازشریف پرتضحیک آمیزحملے ایک ہی سلسلے کی کڑی ہے۔ انہوں نے کہا مسلم لیگ ن کی بڑھتی مقبولیت سے خائف عناصرکاایک اورحملہ ہے۔
