دبئی (مانیٹرنگ ڈیسک) پاکستان سپر لیگ میں شریک چھ ٹیموں کے سنسنی خیز مقابلوں کا سلسلہ جاری ہے، ملتان سلطان اور لاہور قلندر کی ٹیموں کے مابین میچ جاری تھا کہ اس دوران احمد شہزاد ایمپائر سے الجھ پڑے۔ اس ٹورنامنٹ میں کھلاڑیوں کی آپس میں گرما گرمی کے علاوہ ایمپائرز کے ساتھ بھی کچھ ایسا ہی سلوک نظر آ رہا ہے۔
پاکستان سپر لیگ میں جہاں راحت علی اور عماد وسیم کے درمیان لڑائی ہوئی تو وہاں احمد شہزاد اور صہیب مقصود بھی الجھتے ہوئے نظر آئے۔ احمد شہزاد نے ایمپائر کے ساتھ ایسی حرکت کی کہ وہ بھی غصے میں آ گئے اور انہوں نے احمد شہزاد کو سب کے سامنے اپنی حد میں رہنے کا کہا۔ اس تمام واقعہ کی ویڈیو اور تصویریں سوشل میڈیا پر وائرل ہیں۔ اس ویڈیو میں دیکھا جا سکتا ہے کہ میچ میں ایک گیند پر ملتان سلطانز کے کھلاڑیوں نے وکٹوں کے پیچھے کیچ کی اپیل کی مگر ایمپائر نے آؤٹ نہ دیا جس پر احمد شہزاد ہوشیاری دکھاتے ہوئے ایمپائر کی جانب بڑھے یہ بات ایمپائر کو بالکل پسند نہ آئی انہوں نے اس موقع پر ملتان سلطانز کے کپتان شعیب ملک کو اشارہ کرتے ہوئے احمد شہزاد کو سمجھانے کا کہا۔ جیسے ہی یہ ویڈیو اور تصاویر وائرل ہوئیں تو سوشل میڈیا کے صارفین نے احمد شہزاد پر تنقید کی بوچھاڑ کر دی ان سے کہا گیا کہ وہ اداکاری کے بجائے اپنی کارکردگی پر توجہ مبذول کریں۔ پاکستان سپر لیگ میں شریک چھ ٹیموں کے سنسنی خیز مقابلوں کا سلسلہ جاری ہے، ملتان سلطان اور لاہور قلندر کی ٹیموں کے مابین میچ جاری تھا کہ اس دوران احمد شہزاد ایمپائر سے الجھ پڑے۔ اس ٹورنامنٹ میں کھلاڑیوں کی آپس میں گرما گرمی کے علاوہ ایمپائرز کے ساتھ بھی کچھ ایسا ہی سلوک نظر آ رہا ہے۔ پاکستان سپر لیگ میں جہاں راحت علی اور عماد وسیم کے درمیان لڑائی ہوئی تو وہاں احمد شہزاد اور صہیب مقصود بھی الجھتے ہوئے نظر آئے۔
