اسلام آباد (مانیٹرنگ ڈیسک)عوامی مسلم لیگ کے سربراہ شیخ رشید احمد نے نواز شریف کی رضا ربانی کو چیئر مین سینٹ بنانے کی تجویز پر تنقید کرتے ہوئے اس کو ملک و قوم کیخلاف سازش قرار دیا ہے۔ایک بیان میں انہوں نے کہاکہ رضاربانی اصل میں مسلم لیگ (ن )کے چیئرمین سینیٹ کے امیدوار ہیں، قوم کو دھوکہ دیا جا رہا ہے اور
نواز شریف رضا ربانی کیلئے ووٹ مانگ رہے ہیں۔انھوں نے کہا کہ پاکستان کے دشمن جمہوریت کے نام پر ملک، عدلیہ، فوج اور نیب کے خلاف مہم چلا رہے ہیں، میں قوم کو بتانا چاہتا ہوں کہ یہ ملک کو اندر سے تباہ کرنے کی بین الاقوامی سازش ہے۔شیخ رشید نے کہا کہ رضا ربانی کو آگے لانے کا مقصد اداروں میں ٹکراؤ کروانا ہے۔
