گوادر (این این آئی)گوادر سے (آج) بدھ سے پہلی مرتبہ کمرشل شپنگ کا آغاز کیا جائیگا جس کے بعد ہر بدھ کے روز دبئی کی بندرگاہ جبل علی کیلئے سروس شروع کی جائے گی۔چیئرمین گوادر پورٹ ہولڈنگ زینگ باوزونگ نے نجی ٹی وی کو بتایا کہ کوسکو شپنگ لائن کی طرف سے 5000 کنٹینرز گنجائش کا جہاز اس روٹ پر چلایا جائے گا۔

زینگ باوزونگ کے مطابق یہ سروس اس طرح سے ترتیب دی گئی ہے کہ دنیا کے کسی بھی ملک سے کنٹینر گوادر لایا اور گوادر سے لے جایا جا سکے گا۔زینگ باوزونگ نے دعویٰ کیا کہ پاکستان کی دیگر بندرگاہوں کے برخلاف گوادر میں کنٹینر 48 گھنٹے سے پہلے کلیئر کیا جائے گا اور تاجروں کو اسٹوریج میں بھی جگہ کی کمی کا سامنا نہیں ہو گا۔