لاہور ( این این آئی)لاہور ہائیکورٹ میں زینب کیس میں سزائے موت پانے والے علی عمران کی اپیل پر سماعت نہیں ہوئی، اپیل پر پہلی سماعت 12 مارچ کو ہوگی ۔ ترجمان لاہور ہائی کورٹ کے مطابق 06 مارچ بروز منگل کو مختلف قومی اخبارات میں شائع ہونے والی خبر ’’لاہور ہائی کورٹ نے زینب کے قاتل کی اپیل کی سماعت کی اور سپرنٹنڈنٹ جیل سے رپورٹ
اور مقدمے کا ریکارڈ طلب کر لیا ہے‘‘ غلط اور حقائق کے منافی ہے۔ترجمان کے مطابق گزشتہ روز زینب کے قاتل علی عمران کی اپیل پر سماعت نہیں ہوئی اور نہ ہی مذکورہ کیس عدالت کی کاز لسٹ میں تھا۔ لاہور ہائیکورٹ کے جسٹس صداقت علی خان اور جسٹس شہرام سرور چودھری پر مشتمل دو رکنی بنچ مذکورہ اپیل پر پہلی سماعت 12 مارچ کو کرے گا۔
