اسلام آباد(مانیٹرنگ ڈیسک)سینٹ کے انتخابات میں نواز شریف دو گہرے صدموں سے دوچار ہوئے، ان خیالات کا اظہار معروف کالم نگار و تجزیہ کار ایاز امیر نے نجی ٹی وی پروگرام میں گفتگوکرتے ہوئے کیا۔ایاز امیر کا کہنا تھا کہ سینٹ انتخابات میں نواز شریف دو گہرے صدموں سے دوچار ہوئے ہیں۔ ان میں ایک صدمہ نواز شریف کو یہ لگا کہ تحریک انصاف کے چوہدری سرور کیسے جیت گئے ، وہ مطلوبہ ووٹ کیسے پورے کرنے میں کامیاب ہو

ئے، انہیں ن لیگ کے کس رکن اسمبلی نے ووٹ دیا جبکہ دوسرا صدمہ ان کیلئے یہ تھا کہ ن لیگ کے لندن کے صدر زبیر گل جنہیں نواز شریف کا باڈی گارڈ سمجھا جاتا ہے وہ نہ جیت سکے لیکن شہباز شریف کے حمایت یافتہ کیپٹن شاہین بٹ سینٹ کا الیکشن جیت گئے ۔ نواز شریف نے زبیر گل کو نامزد کیا تھا مگر جیتا وہ امیدوار جس کو شہباز شریف سپورٹ کر رہے تھے اور یہ دونوں باتیں نواز شریف کیلئے گہرے صدمے کا باعث ہیں۔