گجرات (مانیٹرنگ ڈیسک)بھولا ریکارڈ کا کھیل ختم ۔ پولیس نے رنگے ہاتھوں گرفتار کر لیا ۔ تفصیلات کے مطابق وزیرآباد کی رہائشی عظمیٰ نے تھانہ بی ڈویژن کو اطلاع دی کہ ملزم نبیل اکرم عرف بھول ریکارڈ نے مجھے نوکری کا جھانسہ دے کر اپنے گھر بلایا اور میرے ساتھ زبردستی زیادتی کی ۔
متاثرہ عظمیٰ بی بی کی اطلاع پر ڈی پی او جہانزیب نذیر نے فوری طور پر ڈی ایس پی سٹی حافظ محمد امتیاز کی نگرانی میں ایس ایچ او تھانہ بی ڈویژن شیراز عزیز کی سربراہی میں خصوصی ٹیم تشکیل دے کر متعلقہ جگہ ریڈ کر کے موقعے پر ملزم نبیل اکرم عرف بھولا کو گرفتار کر لیا۔ بھولا ریکارڈ نے دوران تفتیش اقرار کیا ہے کہ اس کے سوشل میڈیا پر بہت فالوورز ہیں اور بہت سے ایسے بھی ہیں جن سے دوستی بھی ہے جن میں سے ایک عظمیٰ بھی ہے ،جسے میں نوکری کیلئے اپنے گھر گجرات بلایا تھا ۔
