اسلام آ باد(مانیٹرنگ ڈیسک) بشریٰ سے ملنے سے پہلے کامیاب انسان نہیں تھا، میری اہلیہ کا قرآن پاک کا وسیع مطالعہ ہے، 30سال سے صوفی ازم پڑھ رہی ہیں، عمران خان نے انٹرویو میں اپنی کامیابیوں کا سہرا اپنی روحانی پیشوا اور تیسری اہلیہ بشریٰ بی بی کے سر باندھ دیا۔ تفصیلات کے مطابق نجی ٹی وی کو دئیے گئے انٹرویو میں عمران خان نے اپنی کامیابیوں کا سہرا اپنی اہلیہ بشریٰ بی بی
کے سر باندھتے ہوئے کہا ہے کہ بشریٰ سے ملنے سے پہلے کامیاب انسان نہیں تھا، میری اہلیہ کا قرآن پاک کا وسیع مطالعہ ہے وہ 30سال سے صوفی ازم پڑھ رہی ہیں۔ میری شادی کا عوام اور پارٹی سے کوئی تعلق نہیں، اللہ نے مجھے میری نیت اور کوشش کا اجر دینا ہے۔ میری اہلیہ نے ساری زندگی عبادت میں گزاری اور پارٹیزسے دور رہیں، وہ کوئی انٹرویو نہیں دیں گی۔
