اسلام آباد(مانیٹرنگ ڈیسک)پاکستان کے معروف کالم نگار ارشاد بھٹی نے عمرا ن خان کی تیسری شادی سے متعلق کہا ہے کہ عمران خان کا اس عمر میں شادی کرنا ایسا ہی ہے جیسے اگلے انتخابات میں پیپلز پارٹی کے ٹکٹ پر پنجاب سے الیکشن لڑنا۔ میڈیا رپورٹس کے مطابق معروف صحافی و کالم نگار ارشاد بھٹی نے اپنے ایک کالم ’’تیسری شادی اور سیانے ‘‘ میں لکھا ہے کہ میں نے اپنے سیانے دوست سے دو دن پہلے پوچھا کہ ’’عمران خان کی تیسری شادی کے
بارے میں کیا خیال ہے‘‘ جواب آیا ’’اس عمر میں شادی کرنا ایسے ہی جیسے اگلے انتخابات میں پی پی کے ٹکٹ پر پنجاب سے الیکشن لڑنا‘‘ لیکن چونکہ کپتان کی زندگی میں حسنِ ظن کی جگہ بھی حسنِ زن ہی، لہٰذا جب بھی موقع ملے گا، یہی کریں گے، اگلا سوال کیا ’’اب کیا ہوگا‘‘ بولے ’’اب کچھ نہیں ہوسکتا، اب کچھ بھی ہو سکتا ہےاور تو اور اب تو یہ بھی ہو سکتا ہے کہ خان صاحب یہ ٹویٹ کردیں : رشوت دے کر جان چھوٹ جاتی ، کاش بیوی اپنی پولیس ہوتی۔
