لاہور (مانیٹرنگ ڈیسک) وزیر قانون پنجاب رانا ثناء اللہ نے تحریک انصاف کے چیئرمین عمران خان کو ہنی مون پر جانے کے لیے ٹکٹ کی پیشکش کر دی ہے، تفصیلات کے مطابق ایک پریس کانفرنس کے موقع پر رانا ثناء نے کہا کہ میں عمران خان اور ان کی اہلیہ کو شادی کی مبارک باد پیش کرتا ہوں، شادی ایک مقدس رشتہ ہے مذاق نہیں اڑانا چاہیے، اس موقع پر انہوں نے کہا کہ عمران خان کی شادی پہلے ہو چکی تھی لیکن معاملے کو چھپایا گیا۔

اپنی پریس کانفرنس کے دوران رانا ثناء اللہ نے عمران خان کو آفر دیتے ہوئے کہا کہ اگر عمران خان ہنی مون پر جانا چاہیں تو ان کو ٹکٹ آفر کر سکتا ہوں۔ انہوں نے کہا کہ کوئی بچہ ہے بوڑھا ہے یا جوان، جس کسی نے بھی عمران خان کی شادی کا سنا ہے اس نے یہی کہا کہ دُر فٹے منہ، لکھ دی لعنت۔ رانا ثناء اللہ نے اپنی پریس کانفرنس میں کہا کہ تحریک انصاف کے چیئرمین عمران خان نے جس طریقے سے شادی کی انہوں نے شادی جیسے مقدس رشتے کو پامال کیا۔رانا ثناء اللہ نے کہا کہ جس طرح ریحام خان کے ساتھ عمران خان کی نہیں بنی مجھے شک ہے کہ بشریٰ بی بی کے ساتھ بھی نہیں بن سکے گی۔ اس موقع پر ان سے سوال کرتے ہوئے کہا کہ شادی اس شرط پر ہوئی کہ وزیراعظم کی شیروانی پہنیں گے تو وہ خاتون اول ہوں گی۔ اس کے جواب میں انہوں نے کہا کہ اس خبر کے آنے کے بعد بہت لعن طن ہوئی اور شادی کو چھپانے کی کوشش کی گئی۔ رانا ثناء اللہ سے صحافی نے سوال کیا کہ اگر تحریک انصاف والوں نے آپ کو ولیمے کی دعوت دی تو کیا آپ جائیں گے جس کے جواب میں انہوں نے کہا کہ اگر ایسا ہو گیا تو پھر پیچھے کچھ بھی نہیں رہے گا، وہ مجھے کبھی بھی ولیمے پر نہیں بلائیں گے۔  ایک پریس کانفرنس کے موقع پر رانا ثناء نے کہا کہ میں عمران خان اور ان کی اہلیہ کو شادی کی مبارک باد پیش کرتا ہوں، شادی ایک مقدس رشتہ ہے مذاق نہیں اڑانا چاہیے، اس موقع پر انہوں نے کہا کہ عمران خان کی شادی پہلے ہو چکی تھی لیکن معاملے کو چھپایا گیا۔