ڈھاکہ( نیوز ڈیسک) قومی ٹیم کے ہیڈکوچ وقار یونس نے بنگال ٹائیگرز کیخلاف حالیہ ون ڈے سیریز اور ٹی 20 میچ میں ناکامی کے بعد کھلاڑیوں سے استفار کیا تھا کہ آیا وہ ان کی کوچنگ طریقہ کار سے مطمئن ہیں یا نہیں ؟ ذرائع کے مطابق یہ عام بات چیت کی نشست سے ہٹ کر تھی جس میں ناامی کی وجوہات کا تعین کیا گیا اس موقع پر وقار یونس نے کھلاڑیوں سے معلوم کیا کہ وہ ان کے کوچنگ طریقہ کار سے خوش ہیں اور چاہتے ہیں کہ وہ اپنے عہدے سے مستعفی ہوجائیں بنگلہ دیش سے شکست کے بعد وقار یونس کافی جذباتی تھے اور ان کا کنا تھا کہ یہ پاکستان کرکٹ کی ساکھ کا معاملہ ہے حالیہ سیریز میں شرمناک شکست کے بعد ہیڈکوچ بہت زیادہ دباؤ کا شکار ہوگئے ہیں اور کرکٹ بورڈ سمیت دیگر لوگوں کی طرف یس تبدیلی کے مطالبات سامنے آرہے ہیں اس سلسلے پاکستان کرکٹ بورڈ کے ترجمان سے رابطہ کیا تو انہوں نے کہا کہ وہ اس پر کوئی تبصرہ نہیں کرسکتے اور نہ ہی اس کے بارے میں کوئی آگاہی رکھتے ہیں ۔