مظفر آباد (این این آئی)آزاد کشمیر کے دارالحکومت مظفر آباد سے تعلق رکھنے والا سیکنڈ ایئر کا طالب علم ماموں کو دیکھ کر جذبات پر قابو نہ رکھ سکا اور غلطی سے لائن آف کنٹرول عبور کرگیا۔مظفرآباد کے انجینئرنگ کالج میں سیکنڈ ایئر کا طالب علم نجم الثاقب پانچ دن پہلے کیرن کے
مقام پر دریا کے دوسری جانب اپنے ماموں کو دیکھ رہا تھا۔ اس دوران نجم اپنے جذبات پر قابو نہ رکھ سکا اور ماموں سے ملنے دریا عبور کرگیا۔مقبوضہ کشمیر کی پولیس نجم کو گرفتار کر کے تھانے لے گئی ٗ طالب علم کی والدہ نے حکومت سے اپیل کی کہ اس کے بیٹے کی رہائی میں مدد کرے ۔
