اسلام آباد(مانیٹرنگ ڈیسک)پولیس کے 10افسروں سمیت پنجاب بھر کے 20افسروں نے تاحال غیر ملکی بیویوں سے متعلق تفصیلات نہ بھجوائیں، سپریم کورٹ کی جانب سے پولیس افسروں کی غیر ملکی بیویوں کا ریکارڈ جمع کرانے کیلئے گزشتہ روز کی ڈیڈ لائن دی گئی تھی۔ لاہور سمیت صوبہ بھر کے 300کے قریب پولیس افسروں سے غیر ملکی بیگمات کا ریکارڈ
مانگا گیا تھا۔ متعلقہ برانچ کے مطابق شہر کے 10سے زائد اعلیٰ پولیس افسروں اور ایس پی رینک کے افسروں سمیت پنجاب بھر سے 20افسران نے تاحال ڈیٹا جمع نہیں کرایا۔ متعلقہ برانچ رپورٹ کر کے لیگل برانچ کو دے گی اور اگلے روز ڈی آئی جی لیگل ریکارڈ لے کر سپریم کورٹ تفصیلات سے آگاہ کریں گے۔ ان افسروں کو یاد دہانی مراسلہ جاری کر دیا گیا ہے۔
