فیروزوالہ (اے این این)ملائیشیا سے پاکستان پہلی بار سسرال آنے والی خاتون کو ڈاکوؤں نے لوٹ لیا گیا۔ تفصیلات کے مطابق پاکستان پہلی مرتبہ آنے والے ملائیشیا کی خاتون کو ڈاکووں نے لوٹ لیا۔ کامونکی سے تعلق رکھنے پاکستانی نوجوان سے شادی کرنے والی ملائیشیا کی خاتون نورانی روسنتی پاکستان میں اپنے
سسرال پہلی مرتبہ آئی تھی۔ تاہم فیروزوالہ میں ڈاکووں نے نورانی روسنتی کی گاڑی روک کر انہیں لوٹ لیا۔ ڈاکو نورانی روسنتی کے پاس موجود رقم، زیورات، موبائل فون اور پاسپورٹ لے کر فرار ہوگئے۔ نورانی روسنتی نے پولیس کو ڈکیتی کی رپورٹ درج کروا دی ہے۔ تاہم پولیس کی جانب سے تاحال کوئی کاروائی نہیں کی گئی۔
