لاہور(این این آئی) الیکشن کمیشن آف پاکستان نے سینیٹ انتخابات کیلئے ووٹر لسٹیں ریٹرننگ آفیسرز کو بھجوا دیں ۔ گوشوارے جمع نہ کرانے پر معطل پنجاب اور سندھ اسمبلی کے 9اراکین ووٹ کاسٹ نہیں کر سکیں گے ۔الیکشن کمیشن کے ترجمان کے مطابق پنجاب کے 2 اور سندھ اسمبلی کے

7اراکین اسمبلی گوشوارے جمع نہ کرانے کی وجہ سے معطل ہیں جس کیوجہ سے مذکورہ اراکین اسمبلی سینیٹ انتخابات میں ووٹ کاسٹ نہیں کر سکیں گے۔ترجمان کے مطابق اراکین اسمبلی گوشوارے جمع ہونے پر بحال ہونے کے بعد اپنا ووٹ کاسٹ کرنے کے اہل ہوں گے۔گوشوارے جمع نہ کرانے پر پنجاب کے دو اراکین جمال لغاری اور عبد المجید نیازی کی رکنیت معطل ہے۔