اسلام آباد (آن لائن)لندن فلیٹس ریفرنس کیس میں دو غیر ملکی گواہوں کا ویڈیو لنک کے ذریعے بیان ریکارڈ کرنے کا احتساب عدالت کا 2فروری کا حکم نامہ سابق وزیراعظم نوازشریف نے اسلام آباد ہائی کورٹ میں چیلنج کردیا ہے، درخواست میں جج احتساب عدالت ،چیئرمین نیب اوروفاق کو فریق بنایا گیا ہے۔

درخواست میں موقف اپنایا گیا ہے کہ احتساب عدالت نے ویڈیو لنک کے ذریعے گواہوں کے بیان ریکارڈ کرانے کے حوالے سے جو حکم دیا،ہائی کورٹ احتساب عدالت کے اس فیصلے کو کالعدم قرار دے، یاد رہے کہ مریم نواز اور کیپٹن ریٹائرڈ صفدر نے بھی فیصلے کوچیلنج کررکھا ہے۔