واشنگٹن(آن لائن)امریکی صدر ڈونلڈ ٹرمپ کے اعلی معتمد روب پورٹر دو سابقہ بیویوں کی جانب سے حراساں کیے جانے کیالزامات کے بعد اپنے عہدے سے استعفی دے دیاہے۔امریکی صدر کے رہائش گاہ وائٹ ہاؤس کے اسٹاف سیکریٹری کی سابقہ بیویوں نے ان پر جسمانی اور جذباتی طور پر حراساں کرنے کے الزامات عائد کیے ہیں جوکہ اخبار ڈیلی میل کے ذریعے سے سامنے آئے ہیں۔الزامات پر روب پورٹر نے کہا ہے کہ بدترین الزامات جھوٹ کیسوا کچھ نہیں ہیں۔ پورٹرکی دو سابقہ بیویوں کولبی ہولڈرنس اور
جنیفر ویلگبوائے نے پورٹرکی جانب سے مبینہ بدسلوکی کاتذکرہ کیاہے۔ان کی پہلی بیوی ہولڈرنس نے بتایا پورٹرنے انھیں اپنی باتوں اور جسمانی طورپر ان کے ساتھ بدسلوکی جبکہ وائٹ ہاس اسٹاف سیکریٹری نے ہنی مون کے موقع پر انھیں مارابھی تھا۔ ہولڈرنس نے بتایا اٹلی میں بھی پورٹر ان کے منہ پر مکا ماراتھا۔ان کی دوسری بیوی ویلگبوائے نے کہا ہے کہ انھوں نے پورٹر کی جانب سے 2010میں غصے میں دروازے کا شیشہ توڑنے پر انھوں نے حفاظتی احکامات کیلیے عدالت سے رجوع کیاتھا۔
