اسلام آباد(مانیٹرنگ ڈیسک)پی سی بی نے سلمان بت کو ڈھاکہ پریمئیر لیگ کیلئے پی سی بی نے این او سی جاری کر دیا۔ برطانیہ میں سپاٹ فکسنگ سکینڈل کے اہم کردار سلمان بٹ سزا پوری ہونے کے بعد دوبارہ سے کھویا ہوا مقام حاصل کرنے کی تگ و دو میں ہیں۔ واضح رہے کہ حالیہ دنوں میں عجمان آل سٹارز لیگ سکینڈل میں سلمان بٹ اور
دیگر پاکستانی کرکٹرز کے نام بھی سامنے آئے تھے، مشکوک رن اور اسٹمپ آئوٹس کی ویڈیو سامنے آنے پر اوپنر نے وضاحت پیش کی تھی کہ صرف 2میچز میں شرکت کے بعد ہی مشکوک سرگرمیوں کو دیکھتے ہوئے ایونٹ چھوڑکردبئی آگئے تھے، آئی سی سی نے متعلقہ بورڈز کواس نجی لیگ میں شرکت کرنے والوں کی چھان بین کا کہا تھا۔
