اسلام آباد(مانیٹرنگ ڈیسک) تحریک انصاف کے رہنما شاہ محمود قریشی کے بیٹے کی دعوت ولیمہ میں بے پناہ اخراجات نے ان کیلئے نئی مصیبت کھڑی کر دی ہے۔ پنجاب ریونیو اتھارٹی نے شاہ محمود قریشی کو نوٹس جاری کر تے ہوئے ان سے تقریب پر آنے والے اخراجات کی رسیدیں طلب کر لی ہیں۔ واضح رہے کہ شاہ محمود قریشی کے بیٹے کی دعوت ولیمہ ملتان کی

بہائو الدین زکریا یونیورسٹی کے سپورٹس گرائونڈ میں منعقد ہوئی تھی جس میں 13ہزار افراد کو مدعو کیا گیا تھا جن میں سیاستدان، اہم شخصیات سمیت ملک و بیرون ملک سے لوگوں کو شمولیت کی دعوت دی گئی تھی۔ شاہ محمود قریشی پر اس سے قبل یونیورسٹی سپورٹس گرائونڈ بک کروانے کے عوض صرف 5ہزار روپے ادا کرنے کی خبر پر بھی سخت تنقید کی گئی تھی۔