فیصل آباد(سی پی پی) وزیر مملکت پانی و بجلی عابد شیر علی نے کہا ہے کہ پارلیمنٹ کو گالیاں د ینے والوں کو اپنے ہاتھ سے جوتے ماروں گا، مسلم لیگ (ن) کو کنارہ لگانے کی کوشش کی جارہی ہے جو ناممکن ہے،عمران خان ہیلی کاپٹرکویلوکیب کی طرح استعمال کررہاہے، ان کو کوئی پوچھنے والا نہیں۔میڈیا سے گفتگو کرتے ہوئے عابد شیر علی نے کہاکہ جلسے اورجلوس کرنا تمام سیاسی جماعتوں کا حق ہے۔
عمران خان ہیلی کاپٹرکویلوکیب کی طرح استعمال کررہاہے، ان کو کوئی پوچھنے والا نہیں ۔ان کا کہناتھا کہ یہ سارے چور ہمارے خلاف اکٹھے ہوگئے ہیں، سزادینا عدالتوں کاکام ہے،سیاستدانوں کانہیں۔عابدشیرعلی نے کہا کہ پیپلزپارٹی کے شریک چیئرمین نے ہارس ٹریڈنگ کی سیاست دوبارہ شروع کردی، زرداری پیسوں کے ذریعے ضمیر خریدنے آئے ہیں ،ضمیر فروش سیاست کاراستہ ہمیشہ کیلئے روکناچاہیے جبکہ زرداری کے پیسے ایان علی کے ذریعے ملک سے باہر جاتے رہے ہیں، یہ پیسے کے استعمال سے سیاست کو گندا کررہے ہیں۔انہوں نے کہا کہ مطالبات کرنا سیالوی صاحب کاحق ہے۔وفاقی وزیر مملکت کا کہناتھا کہ شیخ رشید کے خلاف نیب میں جانا چاہئے تاکہ لوٹی ہوئی دولت واپس لائی جاسکے، یہ شخص سائیکل پر جاتا تھا ،ارب پتی کیسے بن گیا؟ مہران بینک لوٹا گیا ، اس کا حساب کون کریگا؟ شیخ رشید انتشار کی سیاست چاہتا ہے، جنہوں نے پارلیمنٹ کو گالیاں دیں ان کواپنے ہاتھ سے جوتے ماروں گا۔ انہوں نے کہا کہ شیخ رشید نے ریلوے کے انجن چوری کرکے بیچے، شیخ رشید کا بھی پیٹ پھاڑ کر لوٹی ہوئی دولت نکالی جائے۔عابد شیر علی نے کہا کہ شروع سے کہتے تھے کہ عمران خان کا ایجنڈا ملک میں انتشار پھیلانا ہے، ہیلی کاپٹر کو یلو کیب کی طرح استعمال کیا جارہا ہے، عمران خان نے ہیلی کاپٹر سے کے پی کے حکومت کو نقصان پہنچایا جب کہ یہ کوئی پنکی آنٹی کا ہیلی کاپٹر نہیں۔
