اسلام آباد(نیوز ڈیسک) بلوچستان کے علاقے سبی میں معروف شاہراہ چاکر خان روڈ پر سائیکل بم دھماکہ کے نتیجے میں 4افراد جاں بحق جبکہ بچی سمیت 20افراد زخمی ہوگئے دھماکے سے دو موٹرسائیکلوں ایک دکان کو شدید نقصان پہنچا دھماکہ سے علاقہ میں خوف و ہراس پھیل گیا دھماکہ کی اطلاع ملتے ہی پولیس اور بم ڈسپوزل اورسیکورٹی فورسز کا عملہ موقع پر پہنچ گیا علاقے کو گھیرے میں لیکر لاشوں اور زخمیوں کو ہسپتال پہنچا دیا یہاں آمدہ اطلاعات کے مطابق اتوار کو سبی کی معروف شاہراہ اور بارونق بازار چاکر خان روڈ پر چائے کے ہوٹل کے سامنے کھڑے سائیکل میں نصب دھماکہ خیز مواد زور دار دھماکہ سے پھٹ گیا جس کے نتیجے میں 4 افراد علی نواز ‘ علی محمد سمیت دو نامعلوم افراد موقع پر جاں بحق جبکہ 13 سالہ بچی زاہدہ بی بی ‘ اسحاق ‘ رسول محمد ‘ سومر خان ‘ ربنواز ‘ جھنڈا ‘ عثمان ‘ علی محمد ‘ حاجی بچن شاہ ‘ عبدالوقاص ‘ لعل محمد ‘ محمدہاشم ‘ حسن شاہ ‘ سوراب ‘ شاہد محمدحسین ‘ بجار خان ‘ من دوست ‘ معصوم خان ‘ نورمحمد ‘ عبدالرزاق زخمی ہوگئے دھماکہ سے علاقے میں شدید خوف و ہراس پھیل گیادھماکہ کی اطلاع ملتے ہی پولیس سیکورٹی فورسز او ر بم ڈسپوزل کا عملہ موقع پر پہنچ گیا علاقے کو گھیرے میں لیکر لاشوں اور زخمیوں کو کمبائنڈ ملٹری ہسپتال اور سول ہسپتال سبی پہنچا دیا گیا دھماکے سے دو موٹرسائیکلوں ایک دکان کو شدید نقصان پہنچا پولیس ذرائع کے مطابق دھماکہ سائیکل میں نصب دھماکہ پھٹنے سے ہوا دھماکہ ٹائم ڈیوائز کے ذریعے کیا گیا دھماکے میں تقریبا ایک کلو گرام وزنی مواد استعمال کیا گیا تھا لاشیں ضروری کارروائیاں کے بعد ورثاءکے حوالے کر دی گئیںسبی پولیس نے نامعلوم ملزمان کیخلاف مقدمہ درج کرکے کارروائی شروع کر دی یاد رہے کہ اس سے قبل بھی سبی مذکورہ شاہراہ سمیت مختلف علاقوں میں متعدد بار بم دھماکے ہوتے رہے ہیں ۔