کراچی (مانیٹرنگ ڈیسک) سابق صوبائی وزیرمیرہزارخان بجارانی کی اہلیہ فریحہ رزاق کی نماز جنازہ ڈیفنس سلطان مسجد میں ادا کی گئی،جس میں انکے عزیز و اقارب اور سماجی و سیاسی شخصیات نے بھی شرکت کی ، نمازہ جنازہ میں گورنر سندھ محمد زبیر ، پیپلزپارٹی کے رہنما نوید قمر ایڈیشنل آئی جی مشتاق مہر، عارف علوی ،سعید غنی سمیت کئی سیاستدانوں نے شرکت کی
اس موقع میڈیا سے گفتگوکرتے ہوئے معروف قانون خواجہ نویدنے کہا کہ میر ہزار خان بجارانی اور میں نے ایک ساتھ 1973 میں قانون کی تعلیم حاصل کی ۔فریحہ کو پچیس سال سے جانتا ہوں۔ دونوں خوشگوار ازدواجی زندگی گزار رہے تھے۔ معمولی نوک جھوک ہوتی رہتی تھی۔ کل نہ جانے کیسے یہ واقعہ پیش آگیا۔ تحقیقاتی اداروں کی رپورٹ سے پہلے کوئی بھی رائے دینا قبل از وقت ہے۔فریحہ رزاق کو ڈیفنس کے قبرستان میں سپرد خاک کردیا گیا۔دریں اثناء پاکستان پیپلز پارٹی شعبہ خواتین کی مرکزی صدر و رکنِ قومی اسمبلی فریال تالپور نے میر ہزار خان بجارانی اور ان کی اہلیہ فریحہ رزاق کے انتقال پر گہرے دکھ و افسوس کا اظہار کیا ہے۔ اپنے تعزیتی پیغام میں ایم این اے فریال تالپور نے کہا کہ میر ہزار خان بجارانی پیپلز پارٹی میں اعلی مقام کے رہنما تھے۔ انہوں نے مزید کہا کہ وہ ایک اصول پسند، جرائتمند اور زیرک سیاستدان تھے۔ ایم این اے فریال تالپور نے کہا کہ میر ھزار خان بجارانی اور فریحہ رزاق کی خدمات ہمیشہ یاد رکھی جائیں گی۔ انہوں نے بارگاہِ الاہی میں مرحومین کی مغفرت اور بلند درجات کے لیئے دعا کرتے ہوئے سوگواروں سے دلی ہمدردی کا اظہار کیا۔ سابق صوبائی وزیرمیرہزارخان بجارانی کی اہلیہ فریحہ رزاق کی نماز جنازہ ڈیفنس سلطان مسجد میں ادا کی گئی،جس میں انکے عزیز و اقارب اور سماجی و سیاسی شخصیات نے بھی شرکت کی ، نمازہ جنازہ میں گورنر سندھ محمد زبیر ، پیپلزپارٹی کے رہنما نوید قمر ایڈیشنل آئی جی مشتاق مہر، عارف علوی ،سعید غنی سمیت کئی سیاستدانوں نے شرکت کی
