اسلام آباد (مانیٹرنگ ڈیسک)صوبہ خیبر پختونخواہ کے شہر چارسدہ میں تھانہ پڑانگ کی حدود ماجوکے میں15سالہ لڑکی کے ساتھ جنسی تشدد کی کوشش زلزلے  نے ناکام بنادی۔ملزمان نے لڑکی کی برہنہ تصاویر اور ویڈیو بھی بنالی،گھروالوں کو پولیس میں رپورٹ نہ کرنے کی دھمکی ۔ عائشہ کی والدہ چیخ وپکار کرتی ہوئی تھانہ پہنچ گئی۔پڑانگ پولیس نے اعظم اور واصف کےخلاف مقدمات درج کرلئے۔میڈیا رپورٹس کے مطابق گلناز زوجہ فقیر گل

سکنہ ماجوکے نے پولیس اور میڈیا سے بات چیت کرتے ہوئے کہا کہ میں رشتہ داروں کے گھر ختم القرآن کے سلسلے میں گئی  ہوئی تھی کہ اس دوران اعظم ولد بشیر اور وا صف ولد نوشاد دیوار پھلانگ کر میرے گھرمیں داخل ہوئے اور میری بیٹی مساة عائشہ پر پستول رکھ برہنہ ویڈیو اور تصاویر بنائی اور زبردستی بد فعلی کی کوشش کررہے تھے کہ اس دوران زلزلے کے شدید جھٹکے شروع ہوگئے جن کی وجہ سے ملزمان میری بیٹی کو چھوڑ کر گھر سے نکل گئے ۔ملزمان نے راستے میں مجھے اور میرے بھائی کو بھی دھمکی دی کہ اگر اس سلسلے میں پولیس میں جانے کی کوشش کی تو اچھا نہیں ہوگا۔ گلناز نے کہا کہ میں گھر میں موجود نہیں تھی اور شوہر محنت مزدوری کے لئے گیا تھا۔گھر آکر بیٹی نے سارہ قصہ سنایا۔میں ایک غریب اور بے بس خاندان سے تعلق رکھتی ہوں اگر انصاف نہ ملاتوخاندان سمیت ہر قسم کا احتجاج کرونگی۔اس موقع پر ایس ایچ او پڑانگ منظور خان نے کہا کہ عائشہ کی والدہ کی رپورٹ پر اعظم اور آصف کے خلاف مقدمہ درج کرلیا ہے اور ملزمان کے گھروں پر چھاپے مارے گئے مگر وہ فرار ہونے میں کامیاب ہوگئے ہیں ،متاثرہ خاندان کو مکمل انصاف فراہم کیا جائے گا۔واضح رہے کہ زیادتی کے پے در پے ہونے والے واقعات کے بعد ملک بھر میں شدید تشویش کی لہر پائی جاتی ہے۔