کراچی (این این آئی)سندھ ہائیکورٹ نے احتساب عدالت سے 40 ملین روپے کرپشن ریفرنس میں سزا یافتہ ایک مجرم کی ضمانت 2 لاکھ روپے کے عوض منظور کرلی۔جمعرات کو سندھ ہائیکورٹ میں احتساب عدالت سے 40 ملین روپے کرپشن ریفرنس میں سزا یافتہ مجرم مکرم کی جانب سے دائر ضمانت کی درخواست پر سماعت ہوئی. عدالت نے نجی بینک کے ملازم مکرم عالم کو ضمانت پر رہا کرنے کا حکم دیتے ہوئے انہیں 2 لاکھ روپے کے مچلکے جمع کرانے کا حکم دیا.مجرم کو ضمانت دینے
پر نیب پراسیکیوٹر نے اعتراض اٹھاتے ہوئے موقف اپنایا کہ احتساب عدالت نے مجرم کو ریفرنس میں 5 سال قید کی سزا سنائی تھی جو پوری نہیں ہوئی لہذا مجرم کو ضمانت نہ دی جائے. عدالت نے نیب پراسیکیوٹر کے اعتراض کو مسترد کرتے ہوئے ریماکس دیے کہ مجرم اپنی سزا کے ڈھائی سال گزار چکا ہے لہذا انہیں ٹیکنکل بنیادوں پر ضمانت مل سکتی ہے. واضح رہے کہ مجرم مکرم عالم نے 40 ملین روپے سے زائد جعلی گاڑیوں کے لیز دستاویزات میں خردبرد کی تھی۔
