اسلام آباد(مانیٹرنگ ڈیسک)نجی ٹی وی ’’نیو نیوز‘‘کے پروگرام ’’لائیو ود نصر اللہ ملک‘‘میں سینئر صحافی پی جے میر نے انکشاف کرتے ہوئے کہا کہ ڈاکٹر شاہد مسعود اس سے قبل بھی جھوٹی خبریں دے چکا ہے۔ انہوں نے پروگرام میں شریک سینئر خاتون صحافی عاصمہ شیرازی سے متعلق انکشاف کرتے ہوئے کہا کہ عاصمہ شیرازی جب میریٹ ہوٹل میں اپنے خاوند کے ہمراہ گئیں تو ڈاکٹر شاہد مسعود نے ان سے کیا سلوک کیا اس سے متعلق عاصمہ شیرازی سے بھی پوچھا جا سکتا ہے۔ اس موقع پر

انہوں نے واقعہ کی تصدیق کیلئے عاصمہ شیرازی سے سوال کیا کہ کیا میں صحیح کہہ رہا ہوں کہ نہیں عاصمہ آپ اس کی تصدیق کریں جس پر عاصمہ شیرازی کا کہنا تھا کہ میں اپنے متعلق یہاں کیا بات کروں۔ پی جے میر کا کہنا تھا کہ ڈاکٹر شاہد مسعود نے مجھے بھی متاثر کیا۔ اس موقع پر پروگرام کے میزبان سینئر صحافی نصر اللہ ملک کا کہنا تھا کہ ڈاکٹر شاہد مسعود اس سے قبل بھی جھوٹی خبریں دیتے رہے ہیں انہوں نے فاطمہ بھٹو اور بلاول بھٹو زرداری کی شادی کی خبریں بھی چلا دی تھیں۔

موضوعات:پی جے میر ڈاکٹر شاہد مسعود عاصمہ شیرازی نصر اللہ ملک