کیلیفورنیا (مانیٹرنگ ڈیسک) زیادہ کولیسٹرول والی غذا جیسے مکھن، گھی، بالائی والی کریم، دہی اور ساسجیز وغیرہ آنتوں کے کینسر کا خطرہ بڑھا سکتی ہے۔ یہ بات امریکا میں ہونے والی ایک طبی تحقیق میں سامنے آئی۔ کیلیفورنیا یونیورسٹی کے ڈیوڈ جیفین اسکول آف میڈیسین کی تحقیق میں چوہوں پر کیے جانے والے تجربات میں یہ بات سامنے آئی۔ مزید پڑھیں : کینسر کی 12 علامات جنھیں نظرانداز نہ کریں۔

تحقیق میں دریافت کیا گیا کہ کولیسٹرول کی سطح بڑھنا آنتوں میں اسٹیم سیلز کو زیادہ تیزی سے تقسیم کرنے کا باعث بنتا ہے، جس کے نتیجے میں رسولی سو گنا تیزی سے بنتی ہے۔ محققین کا کہنا تھا کہ کولیسٹرول آنتوں میں اسٹیم سیلز کی نشوونما پر اثرانداز ہوتا ہے اور اس کے نتیجے میں رسولی کی تشکیل سوگنا زیادہ تیزی سے ہونے لگتی ہے۔ انہوں نے بتایا کہ اس سے پہلے غذائی کولیسٹرول اور آنتوں کے کینسر کے درمیان تعلق تو سامنے آچکا ہے مگر اس کے طریقہ کار پر روشنی نہیں ڈالی گئی تھی۔ تحقیقی ٹیم نے چوہوں کی آنتوں کے خلیات میں کولیسٹرول کی مقدار غذا کے ذریعے بڑھا دی تھی، جبکہ دیگر کے جینز میں تبدیلیاںک ی گئی ہیں۔ یہ بھی پڑھیں : کینسر کے خطرات کم کرنے والی غذائیں دونوں گروپس میں اسٹیم سیلز کی تعداد میں اضافہ دیکھا گیا اور نتیجہ نکالا گیا کہ کولیسٹرول لیول بڑھنا آنتوں کے کینسر کا خطرہ بڑھاتا ہے۔ اس تحقیق کے نتائج طبی جریدے جرنل آف اسٹیم سیل میں شائع ہوئے۔