بنوں (مانیٹرنگ ڈیسک) خاتون ملازمہ کو جنسی ہراساں کرنے کی کوشش کے الزام پر سپرنٹنڈنٹ جیل بنوں سمیع اللہ خان معطل کر دیئے گئے غلام ربانی کو نیا سپرنٹنڈنٹ سنٹرل جیل تعینات کر دیا گیا چند دن قبل مسیحی برادری سے تعلق رکھنے والی بنوں جیل کی ملازمہ عائشہ مسیح زوجہ عباس مسیح نے الزام لگایا تھا کہ سپرنٹنڈ نٹ جیل بنوں سمیع اللہ خان نے انہیں اپنے کمرے میں بلوا کر اپنے کمر کی مساج کرانے اور انکار پر جنسی ہراساں کرنے کی کوشش کی تھی جس کی شکایت آئی جی
جیل خانہ جات کو لگانے اور میڈیا پر آواز اُ ٹھانے پر میاں بیوی کو شوکاز نوٹس بھی جاری کیا گیا تھا تاہم الزام عائد کرنے کے بعد انکوائری مقرر ہوئی جس میں دونوں فریقین سے بیانات قلمبند کئے گئے اور جمعہ کے روز آئی جی جیل خانہ جیل کی طرف سے سپرنٹنڈنٹ جیل بنوں سمیع اللہ خان کی معطلی جبکہ غلام ربانی کے نئے سپر نٹنڈنٹ جیل بنوں کا نوٹیفکیشن جاری کر دیا گیا ذرائع سے معلوم ہوا ہے کہ مذکورہ نوٹیفکیشن کو بھی سابق سپر نٹنڈنٹ جیل سمیع اللہ خان لے کر چلے گئے ہیں ۔
