اسلام آباد(مانیٹرنگ ڈیسک)راولپنڈی میں درندہ صفت شخص نے 6سالہ بچی کو مبینہ طور پرہوس کا نشانہ بنا ڈالا، پولیس نے بروقت کارروائی کرتے ہوئے ملزم کو گرفتار کر لیا۔ تفصیلات کے مطابق راولپنڈی میںتھانہ صدر بیرونی کی چوکی رنیال کے علاقے میں درندہ صفت شخص نے 6سالہ بچی کو ہوس کا نشانہ بنا ڈالا ۔ 6سالہ ملائکہ نور دکان پر چیز لینے گئی جہاں مسعود نامی شخص اسے ورغلا کر اپنے ساتھ لے گیا اور مبینہ طور پر ہوس کا نشانہ بنا ڈالا۔

بچی نے گھر آکر اہل خانہ کو اپنے ساتھ ہونیوالی زیادتی سے متعلق بتادیا جس پر متاثرہ بچی کے والد نے رنیال پولیس کو واقعہ سے آگاہ کرتے ہوئے ضروری کارروائی کیلئے درخواست دے دی جس پر پولیس نے بروقت کارروائی کرتے ہوئے ملزم کو گرفتار کر کے ملزم اور متاثرہ بچی کو میڈیکل کیلئے راولپنڈی کے بینظیر بھٹو ہسپتال منتقل کر دیا۔ اس موقع پر پولیس کی بھاری نفری بھی ہسپتال میں موجود رہی اور ملزم کو انتہائی کڑے پہرے میں ہسپتال لایا گیا۔