اسلام آباد(مانیٹرنگ ڈیسک)وزیراعلیٰ پنجاب شہباز شریف کی نا اہلی کیلئے لاہور ہائیکورٹ میں دائر درخواست ناقابل سماعت قرار۔ تفصیلات کے مطابق وزیراعلیٰ پنجاب شہباز شریف کی نا اہلی کیلئے لاہور ہائیکورٹ میں دائر درخواست کو ناقابل سماعت قرار دیتے ہوئے مسترد کر دیا گیا ہے۔ کیس کی سماعت جسٹس شاہد کریم نے کرتے ہوئے سماعت کو ناقابل سماعت قرار دیا۔ درخواست گزار
محمد شفیع نے درخواست میں موقف اختیار کیا تھا کہ کیونکہ شہبازشریف ماس ٹرانزٹ اتھارٹی کے چیئرمین ہیںاور قانون کے مطابق وزیراعلیٰ ایک وقت میں دو عہدے نہیں رکھ سکتے لہٰذا انہوں نے قانون کی خلاف ورزی کی ہے لہٰذا انہیں نا اہل قرار دیا جائے۔ واضح رہے کہ ہائیکورٹ نے درخواست کے قابل سماعت ہونے پر فیصلہ محفوظ کر رکھا تھاجسے آج سناتے ہوئے ناقابل سماعت قرار دے دیا گیا ہے۔
