لاہور(آئی این پی) مسلم لیگ ق کے چیف آرگنائزر محمد بشارت راجہ اور ق لیگ بلوچستان سے سابق سینٹر پری گل آغا کے خلاف علاقائی مجسٹریٹ کی عدالت میں بشارت راجہ کی اہلیہ چئیرپرسن نیو ہوپ ویلفئیر آرگنائزیشن و سابق رکن اسمبلی سیمل راجہکی جانب سے دائر استغاثہ کی سماعت ہوئی۔
سیمل راجہ کی جانب سے موقف اختیار کیا گیا تھا کہ ان کے شوہر بشارت راجہ بیٹے بہروز کمال کے بہکاوے اور پریشر میں آ کر غیر شریعی اور ناجائز رشتہ بنا کر مطلقہ عورت کے ساتھ رہ کر کفر اور زناکاری کے مرتکب ہو رہے ہیں سیمل راجہ کے وکلاء عمیر جاوید اور عدیل عارف نے فاضل عدالت کے روبرو بحث کرتے ہوئے کہا کہ بشارت راجہ نے سابقہ منکوحہ کو 2012 میں زبانی اور 2015 میں تحریری طلاق دی ان کی موکلاء سے شادی سے قبل نہ صرف ان کی اور ان کے خاندان کو طلاق پری گل آغا بابت متعدد بار یقین دہانی کروائی گئی بلکہ کئی بار قرآن پر حلف دے کرمطلقہ عورت کوماں اور بہن جیسے مقدس رشتوں سے پکارتا رہا۔ درخواست گذار کی جانب سے فاضل عدالت سے درخواست کی گئی کہ ملزمان عوامی نمائندے ہونے کے باعث اس فعل قبیحہ کی بابت معاشرے میں غیر شرعی اور غیر اخلاقی روایات کو پروان چڑھا رہے ہیں جس کی وجہ سے آنے والی نسلیں بری طرح متاثرہوں گی، لہذا ملزمان کو قانون کے مطابق کڑی سے کڑی سزا دے کر انصاف کے تقاضے پورے کئے جائیں تاکہ معاشرے میں بڑھتی ہوئی بے راہ روی،فحاشی و عریانی کو راکا جا سکے۔
